বুৰন্জ্ঞী

বুৰন্জ্ঞী মানেইটো কিছুমান হেৰুৱাব নোখোজা স্মৃতি
অলপ হাঁহি অলপ কান্দোনৰ অতীত |
বুৰন্জ্ঞী সকলোৰে থাকিব পাৰে
তোমাৰ, মোৰ সকলোৰে...
দেহৰ বাবে দেহ বিক্ৰী কৰা, অথবা
স্বাধীনতাৰ বাবে পৰাধীন হোৱা,
সকলোতে থাকে বুৰন্জ্ঞী

মোৰ মানি বেগটোৰো এটা বুৰন্জ্ঞী আছে
পিতাই পঠিওৱা এমাহীয়া হাত খৰছৰ বুৰন্জ্ঞী
নতুবা জাঁপৰ ফাঁকেৰে আকাশ দেখা
এখন চিঠিৰ বা উৱলিব ধৰা এখন ফটোৰ..

আৰু মোৰ বাথৰূমটোৰ য’ত মই স্মৃতিবোৰক
মোহাৰি শীতল কৰিব বিচাৰো মোৰ অশান্ত হৃদয়
তাৰো এটা বুৰন্জ্ঞী আছে.....
খিৰিকীখনৰ, বেৰত আঁৰি থোৱা মনালিছাৰ হাঁহিটোত......
সকলোতে আছে বুৰন্জ্ঞী |

মৰহি যোৱা কপৌ পাহিৰ, তলসৰা শেৱালী ফুলটো
নতুবা চিয়াহী বিহীন কলমটোৰো আছে বুৰন্জ্ঞী,
সেইয়া কিবা হেৰুওৱাৰ বুৰন্জ্ঞী

জোনাকতো বুৰন্জ্ঞী থাকিব পাৰে কাৰোবাৰ বাবে ;
আৰু কবিতাত, বৰষুণত, নিসংগতাতো আছে বুৰন্জ্ঞী
সেইয়া কাৰোবাক ভালপোৱাৰ বুৰন্জ্ঞী |

এইযে মই অকলশৰে থাকিব বিচাৰো,
সেয়াইটো বুৰন্জ্ঞীয়েই, তুমি বুজি নোপোৱা বুৰন্জ্ঞী
তোমাক বুজাব খুজিও বুজাব নোৱাৰাৰ বুৰন্জ্ঞী.....